Azərbaycanda Həcc ziyarətinin təşkili qaydalarına dəyişiklik edilib
"Qafqaz Müsəlmanları İdarəsində Həcc ziyarətinin təşkili ilə məşğul olanlar var. İdarənin nümayəndələri Səudiyyə Ərəbistanına səfər etmişdilər və bu istiqamətdə danışıqlar aparılıb".
NUHÇIXAN İnformasiya Agentliyi xəbər verir ki, bunu jurnalistlərə İdarənin sədri şeyxülislam Allahşükür Paşazadə deyib.
O bildirib ki, koronavirus pandemiyası səbəbindən iki il ziyarətlə bağlı çətinliklər vardı: "Bu il üçün Azərbaycanda Həcc ziyarətinin təşkili ilə bağlı qaydalara müəyyən dəyişikliklər edilib. Nümayəndə heyəti Vətənə qayıtdıqdan sonra ətraflı məlumat veriləcək".