Muzey yeni binada fəaliyyət göstərəcək
NUHÇIXAN xəbər verir ki, Şərur şəhərinin Heydər Əliyev prospektində rayon Tarix-Diyarşünaslıq Muzeyi üçün inşa edilən yeni binanın tikintisində əsas işlər tamamlanıb. Hazırda binanın ətrafında abadlıq və yaşıllaşdırma işləri aparılır. Tarix-Diyarşünaslıq Muzeyinin yeni binası zirzəmi qatı ilə birlikdə dörd mərtəbədən ibarətdir. Müasir memarlıq üslubuna malik muzey binasında ekspozisiya zalı, fond və yardımçı otaqlar yaradılıb.
Şəhərin Kapitan Seyidov küçəsindəki 7 nömrəli beşmərtəbəli yaşayış binasının əsaslı təmir və yenidənqurma işləri də başa çatıb. Bu binanın da ətrafında abadlıq işləri görülür, yolların kənarındakı səkilər yenilənir.