Xaçmazda yanğının söndürülməsinə iki helikopter və amfibiya tipli təyyarə cəlb olunub
Xaçmaz rayonunda yanğın baş verən ərazidəki mülki şəxslər təxliyə edilib və bütün mülki obyektlər yanğından mühafizə edilib.
NUHÇIXAN İnformasiya Agentliyinin məlumatına görə, bu sözləri FHN-nin Şimal Regional Mərkəzin baş zabiti Ramil Güliyev bildirib.
O, qeyd edib ki, hazırda yanğının söndürmə işləri davam etdirilir.
Yanğın olan əraziyə FHN-nin Şimal Regional Mərkəzinin, Xaçmaz rayon İcra Hakimiyyətinin və Xaçmaz Rayon Polis Şöbəsinin şəxsi heyəti və canlı qüvvələri cəlb olunub.