İcbari Tibbi Sığortanın ilk uğuru

Naxçıvan Muxtar Respublikasında İcbari Tibbi Sığorta 2017- ci ildən ilk dəfə Sədərək rayonunda tətbiq edilib. Artıq Sədərək sakinləri bu xidmətdən yararlanırlar.

NUHÇIXAN xəbər verir ki, Sədərək rayon Qaraağac kənd sakini 14 yaşlı İlkin Mehdiyev bu günlərdə rayon xəstəxanasına müraciət edib. Müayinə nəticəsində onun qaraciyərində  kista və qurd  aşkar olunub. Xəstə Naxçıvan Muxtar Respublika Xəstəxanasına  göndərilərək, onun üzərində uğurlu əməliyyat aparılıb. Göstərilən bütün xidmətlərin xərcləri İcbari Tibbi Sığorta üzrə Dövlət Agentliyi tərəfindən qarşılanıb. Hazırda xəstənin  vəziyyəti yaxşıdır.

                                                                      

Sadiq Məmmədov

NTV xəbər