Babək rayonunda əmək yarmarkası keçirilib
Naxçıvan Muxtar Respublikası Əmək və Əhalinin Sosial Müdafiəsi Nazirliyinin mətbuat xidmətindən NUHÇIXAN İnformasiya Agentliyinə bildirilib ki, Babək rayonunda təşkil olunan əmək yarmarkasında işaxtaranlara 49 müəssisədən 207 boş iş yeri təqdim edilib. Yarmarkada 35 nəfərin sözügedən vakansiyalar üzrə işə göndərilməsi təmin olunub, 7 nəfərin özünüməşğulluq proqramına, 8 nəfərin isə peşə hazırlığı kurslarına cəlb edilməsi üçün qeydiyyatı aparılıb.
Növbəti əmək yarmarkası oktyabrın 21-də Şahbuz rayonunda təşkil olunacaq.