Şagirdlərin tibbi müayinələrinə başlanılıb
NUHÇIXAN-ın məlumatına görə, dərin tibbi müayinələr Əziz Əliyev adına Naxçıvan Muxtar Respublikası Mərkəzi Uşaq Xəstəxanasının həkimləri tərəfindən aparılır. Müayinələrin aparılması üçün xəstəxanada cərrah, pediatr, nevropatoloq, LOR, ginekoloq, stomatoloq, fiziatr və digər ixtisaslı həkimlərdən ibarət briqada təşkil edilib. İlk müayinələr Naxçıvan şəhərinin 1, 2 və 3 nömrəli tam orta məktəblərində aparılıb. Şagirdlər ixtisas həkimləri tərəfindən yoxlanılıb.
Dərin müayinələr zamanı şagirdlərdə hər hansı bir xəstəlik aşkarlanırsa, həmin şagirdlər dispanser qeydiyyatına götürülərək Mərkəzi Uşaq Xəstəxanasına dəvət olunurlar. Xəstəliyi dəqiqləşdirilən şagirdlər üçün burada müvafiq müalicə prosedurları təşkil edilir.
Novruz Məmmədov