300 hektardan çox sahədə yaşıllaşdırma aparılacaq - FOTOLAR
NUHÇIXAN xəbər verir ki, Naxçıvan Muxtar Respublikası Ekologiya və Təbii Sərvətlər Nazirliyində xüsusi əkin planı hazırlanıb. Plana əsasən ümumilikdə payız-qış mövsümündə 300 hektardan çox sahədə yaşıllaşdırma, eyni zamanda yeni meşə massivlərinin, meyvə bağlarının salınması nəzərdə tutulub. Oktyabr ayının 1-dən başlanan tədbirlərin davamı olaraq akademik Həsən Əliyev adına Zəngəzur Milli Parkının Ordubad rayonunun Nəsirvaz kəndindəki orta dağlıq ərazisində ağac və kolların təbii bərpasına başlanıb. Bu məqsədlə əraziyə parkın əməkdaşları tərəfindən yay mövsümü ərzində toplanan yemişan, həmərsin, sumaq, badamça toxumları əkilib.
Cavid Səfərli