Ordubadda metal borular oğurlayan şəxslər saxlanılıb

Ordubad RPŞ-yə Ordubad şəhər Şəhriyar qəsəbəsində metal boruların oğurlanması faktı ilə bağlı məlumat daxil olub.

Bu barədə NUHÇIXAN İnformasiya Agentliyinə Naxçıvan Muxtar Respublikası Daxili İşlər Nazirliyindən məlumat verilib.

Məlumatda qeyd olunur ki, aparılan təxirəsalınmaz tədbirlər nəticəsində hadisədə şübhəli bilinən Ordubad rayon sakinləri Abbasov Ramin Kamil oğlu və Hüseyinli Rəhim Cəlal oğlu müəyyənləşdirilərək saxlanılıb və Ordubad Rayon məhkəməsinin qərarı ilə barələrində həbs qətimkan tədbiri seçilib.

Cinayət faktı ilə bağlı istintaq davam etdirilir.