Mobil cihazlara telekommunikasiya xidmətlərinə dair qadağaların sayı artır

Prezident İlham Əliyev “Telekommunikasiya haqqında” qanuna dəyişiklikləri təsdiq edib.

NUHÇIXAN İnformasiya Agentliyi xəbər verir ki, qanuna əsasən, sellülar (mobil) xidmətdən istifadə ilə əlaqədar, mobil cihazların müvafiq icra hakimiyyəti orqanının müəyyən etdiyi qaydada qeydiyyatı aparılmalıdır.

Qanuna əsasən, mobil cihazın qeydiyyatının aparılmasından yayınmaq məqsədilə mobil cihazın İMEİ nömrəsinin (tək və bənzərsiz olaraq yaradılmış beynəlxalq identifikasiyanı (eyniləşdirməni) göstərən nömrə) dəyişdirilməsi və ya surətinin köçürülməsi, habelə mobil operator tərəfindən İMEİ nömrələri mobil cihazların qeydiyyat sisteminin qara səhifəsində olan mobil cihazlara (İMEİ nömrələri uyğunlaşdırılmış ağ səhifədə olan mobil cihazlar istisna olmaqla) telekommunikasiya xidmətlərinin göstərilməsi qadağandır.

Qanun 2023-cü il aprelin 1-dən qüvvəyə minəcək.