Ordubad rayonunda ictimai qaydanı pozan şəxs həbs edilib
NUHÇIXAN İnformasiya Agentliyinə Naxçıvan Muxtar Respublikası Daxili İşlər Nazirliyindən verilən məlumata görə, Ordubad rayon ərazisində yeməkxanalardan birində ictimai qaydanı pozan vətəndaş barədə polisə məlumat daxil olub.
Polis əməkdaşları dərhal hadisə yerində olub, ictimai asayişi pozan Ordubad rayon sakini Samir Qurbanov saxlanılıb, onun barəsində toplanmış materiallar məhkəməyə göndərilib. Ordubad Rayon Məhkəməsinin qərarı ilə Samir Qurbanovun barəsində 20 gün müddətinə inzibati həbs növündə inzibati tənbeh tətbiq edilib.