Naxçıvan şəhərində quruculuq işləri gedir - FOTOLAR
NUHÇIXAN xəbər verir ki, Naxçıvanda regional yun və boyaq bitkilərinin tədarükü məntəqəsi və xalça istehsalı müəssisəsində tikinti işləri aparılır. İnşa olunan birinci binada yun qəbul olunacaq, yuyulacaq, boyanacaq və xalça toxunması üçün istehsalat sahəsinə veriləcək. Xalça istehsalı sahəsində ən müasir avadanlıqlar quraşdırılacaq və keyfiyyətli xalça toxunması üçün hərtərəfli şərait yaradılacaq.
Belə bir müəssisənin Naxçıvanda tikilməsi həm də qoyunçuluğun inkişafına öz töhfəsini verəcək.
Qeyd edək ki, Naxçıvan şəhərində çoxmərtəbəli ictimai yaşayış binalarının təmiri də quruculuq işlərinin tərkib hissəsidir.
Hazırda Nizami küçəsindəki 38 və Əliqulu Qəmküsar küçəsindəki 1A nömrəli çoxmərtəbəli ictimai yaşayış binalarında da əsaslı təmir davam etdirilir.
Əbülfəz Dünyamalıyev