Naxçıvanda oğurluq əməllərində şübhəli bilinən 6 nəfər saxlanılıb
NUHÇIXAN İnformasiya Agentliyi xəbər verir ki, Naxçıvan Şəhər Polis İdarəsi əməkdaşlarının daxil olan məlumatlar əsasında keçirdikləri əməliyyat tədbirləri nəticəsində şəhər ərazisində müxtəlif vaxtlarda 4 mənzildən və bir avtomobildən məişət, geyim əşyaları və pul oğurlamaqda şübhəli bilinən şəhər sakinləri Unutmaz Nəsirov, Ləman Hacıyeva, Cəfər Mustafayev, Tahar Seyidov, Azər Baxşəliyev və Səfər Haqverdiyev müəyyən olunaraq saxlanılıblar.
Faktlarla bağlı Naxçıvan Şəhər Polis İdarəsində araşdırmalar aparılır.