Naxçıvanda yol-nəqliyyat hadisəsi: piyada xəsarət alıb - VİDEO
NUHÇIXAN İnformasiya Agentliyi xəbər verir ki, Naxçıvan şəhərində piyadanın xəsarət alması ilə nəticələnən yol-nəqliyyat hadisəsi baş verib.
Hadisə Naxçıvan şəhərindəki İmamzadə abidəsinin qarşısında baş verib. “Vaz-2107” markalı avtomobil yolun piyada keçidindən kənar hissəsində 1960-cı il təvəllüdlü Naxçıvan şəhər sakini Nənəxanım Məmmədovanı vurub. Nəticədə piyada xəsarət alıb və dərhal Naxçıvan Muxtar Respublikası Mərkəzi Xəstəxanasına çatdırılıb.
Havanın yağıntılı olması sürücülərlə yanaşı, piyadalardan da diqqətli olmağı tələb edir. Xüsusilə piyada keçidi və zolaqlarından istifadə olunarsa, bu cür xəsarətlərlə nəticələnən xoşagəlməz hadisələr baş verməz.
Xanım Rüstəmzadə