Beynəlxalq Meşələr Günündə 23 mindən çox ağac əkilib
Martın 21-i Beynəlxalq Meşələr Günü Azərbaycanda meşə sahələrinin genişləndirilməsi işinə həsr olunub, meşələrin artırılmasına diqqət çəkilib.
NUHÇIXAN İnformasiya Agentliyinin məlumatına görə, Meşələrin İnkişafı Xidmətinin rəsmisi Cabbar Qəribov jurnalistlərə bildirib ki, planetar əhəmiyyətə malik bu gün münasibətilə meşə ərazilərinin genişləndirilməsi işinə töhfə verilərək Şəki, Zaqatala, Qəbələ, Şamaxı, Quba, Göygöl, Bərdə, Sabirabad, Tovuz, Masallı, Lənkəran, Ağcabədi, Şəmkir rayonlarının açıq və seyrək meşə fondu torpaqlarında, ümumilikdə 34 hektar ərazidə 23 mindən çox müxtəlif meşə növlərinə aid ağac tingləri əkilib.