"Naxçıvansığorta”nın Direktorlar Şurasının sədri işdən çıxıb
“Naxçıvansığorta” ASC-nin Direktorlar Şurasının sədri Əsədulla İsgəndərov vəzifəsini tərk edib.
Məlumatı "Naxçıvansığorta" ASC-dən NUHÇIXAN İnformasiya Agentliyinə təsdiqləyiblər.
Qeyd edək ki, Əsədulla İsgəndərovun yerinə hələ ki, təyinat olmayıb.
"Naxçıvansığorta" 2014-cü ildə yaradılıb, Azərbaycanın yeganə regional sığorta şirkətidir. Onun səhmdarı 100% "Naxçıvanbank" ASC-dir.
Ə.İsgəndərov bu ilin yanvar ayına qədər həm də adıçəkilən bankın Müşahidə Şurasının sədri olub, hazırda isə Şuranın üzvü kimi fəaliyyət göstərir.