Babək Rayon İcra Hakimiyyətinin saytı “GOV.AZ” zonasına köçürülüb

Naxçıvan Muxtar Respublikasının Babək Rayon İcra Hakimiyyətinin elektron informasiya resursu yeni “babek-ih.gov.az” domen adı ilə “AzStateNet” şəbəkəsinə köçürülüb.

Naxçıvan Muxtar Respublikası Rabitə və Yeni Texnologiyalar Nazirliyinin mətbuat xidmətindən NUHÇIXAN İnformasiya Agentliyinə verilən məlumata görə, yenilənmiş internet səhifəsi nazirliyin mühəndis-proqramçıları tərəfindən müasir proqramlaşdırma dillərindən istifadə edilərək hazırlanıb.

Həmçinin saytın domen ünvanı da müvafiq qaydada yenilənməklə domenə bağlı e-poçt adresi ilə ([email protected]) təmin edilib.

Qeyd edək ki, muxtar respublikada digər rayon (şəhər) icra hakimiyyətlərinin də internet səhifələri yenilənməkdədir. Onların da audit yoxlamaları aparıldıqdan sonra “GOV.AZ” domen zonasına köçürülməsi diqqətdə saxlanılacaqdır.