Naxçıvan Doğum Mərkəzinin baş həkimi Kəmalə Qurbanova vəzifəsindən azad olunub
NUHÇIXAN İnformasiya Agentliyi xəbər verir ki, “Naxçıvan Muxtar Respublikası Doğum Mərkəzi” publik hüquqi şəxsin baş həkimi Kəmalə Qurbanova tutduğu vəzifəsindən azad edilib. Bununla bağlı əmri muxtar respublikanın səhiyyə nazirinin birinci müavini, nazir səlahiyyətlərini icra edən Samiq Sadıxov imzalayıb.
Samiq Sadıxov NUHÇIXAN İnformasiya Agentliyinə bildirib ki, muxtar respublikada səhiyyə sahəsində yenilənmələr və kadr islahatları davam etdiriləcək.
Qeyd edək ki, Naxçıvan Doğum Mərkəzi əhalinin ən çox narazı qaldığı, korrupsiyalaşmış və insanların incidildiyi səhiyyə müəssisəsi idi.
Baş həkim vəzifələrinin müvəqqəti icrası baş həkimin müavini Nəzakət Quliyevaya həvalə olunub.