Daxili Qoşunların Naxçıvandakı hərbi birləşməsinin kollektivi Heydər Əliyev Muzeyində olub - FOTOLAR
NUHÇIXAN İnformasiya Agentliyi xəbər verir ki, müasir Azərbaycan dövlətinin memarı və qurucusu, xalqımızın ümummilli lideri Heydər Əliyevin 100 illik yubileyi ilə bağlı Daxili Qoşunların Naxçıvanda yerləşən hərbi birləşməsinin kollektivi Heydər Əliyev Muzeyini ziyarət edib.
Eksponatlarla tanış olan hərbi qulluqçulara dahi rəhbərin həyatı və fəaliyyəti barədə müfəssəl məlumat verilib. Qeyd olunub ki, ulu öndər Silahlı Qüvələrimizin, o cümlədən Daxili Qoşunların formalaşdırılmasını əsas prioritetlərdən hesab edir və bu sahəyə xüsusi diqqət ayırırdı. Bununla da, Azərbaycan Respublikasının Daxili Qoşunları layiqli inkişaf yolu keçib, əsaslı maddi texniki bazaya malik hərbi birləşmə kimi formalaşıbdır. Kollektiv eksponatlarla yaxından maraqlanıb, muzeydən zəngin təəssüratla ayrılıb.
Sonda ulu öndərin abidəsi önündə xatirə şəkli çəkdirilib.