Ordubad rayonunda 56 xəstə pulsuz əməliyyat olunub - FOTOLAR
NUHÇIXAN xəbər verir ki, ümummilli lider Heydər Əliyevin anadan olmasının 95-ci ildönümü ilə əlaqədar Ordubad rayonunda pulsuz tibbi aksiya təşkil olunub.
Aksiyanı Akademik Mirqasımov adına respublika klinik xəstəxanasının 26 nəfərdən ibarət həkim heyəti keçirir. Tibbi müayinənin səmərəli olması üçün Ordubad Rayon Mərkəzi Xəstəxanasında lazımi şərait yaradılıb.
Aksiyanın birinci günü burun, boğaz, apendisit, fimoz və yırtıqdan əziyyət çəkən 56 xəstə üzərində pulsuz cərrahi əməliyyat aparılıb.
500-ə yaxın xəstə isə terapevt, cərrah, lor, uroloq, oftalmoloq, nevropatoloq, qinekoloq və digər ixtisaslı həkimlərin qəbulunda olub, müayinələrdən keçiblər.