Babək şəhərində “Şəhidlər parkı” salınır - VİDEO
NUHÇIXAN xəbər verir ki, şanlı zəfər tariximiz olan Vətən müharibəsi iştirakçılarının, şəhid və qazilərimizin xatirəsinin əbədiləşdirilməsi məqsədilə Naxçıvan şəhərində və muxtar respublikanın bir sıra rayonlarında memorial komplekslər salınacaq. Layihə çərçivəsində artıq Babək şəhərində “Şəhidlər Parkı” memorial kompleksinin inşasına başlanılıb.
2500 kvadratmetr ərazidə salınan parkda şəhidlərimizin ölməzliyini, şanlı qələbəmizi təcəssüm etdirən zəfər abidəsinin tikintisi tamamlanmaq üzrədir. Abidənin hündürlüyü 9, yerləşdiyi ay-ulduz platformanın diametri 12 metrdir. Həmçinin parkda Babək şəhidlərinin rəsmlərinin əks olunduğu lövhə inşa olunur.
Parkın ərazisində yaşıllıq sahələri də salınacaq.