Vüqar Gülməmmədov: "Naxçıvanda bəzi nöqsanlar hüquqi bazanın təkmil olmamasından irəli gəlir"

Naxçıvan Muxtar Respublikasında aşkar olunan bəzi nöqsanlar onların hüquqi bazanın təkmil olmamasından irəli gəldiyini deməyə əsas verir.

NUHÇIXAN xəbər verir ki, bunu jurnalistlərə açıqlamasında Hesablama Palatasının sədri Vüqar Gülməmmədov bildirib.

"Bu il Palata bölgənin əhatə dairəsində olan dövlət müəssisə və təşkilatlarında 9 audit aparıb. Auditlərin nəticələri ümumiləşdirilərək ümumi xarakterli nöqsanların hamısı qruplaşdırılıb. Bu nöqsanların bəziləri bizə hüquqi bazanın təkmil olmamasından irəli gəldiyini deməyə əsas verir", - deyə o qeyd edib.

"Hüquqi bazanın təkmil olması dövlət büdcəsinin layihəsi və icrası dövrlərini tam şəkildə əhatə etdiyindən bununla bağlı muxtar respublikanın rəhbərliyinə təkliflər vermək fikrimiz var. Bu təkliflər büdcənin həm layihələndirilməsi, həm də icrası dövründə büdcənin daha təkmil olmasına töhfəsini verməlidir", - deyə sədr əlavə edib.