Görkəmli maarifçi və dilçi Məhəmməd ağa Şahtaxtlının anım günü keçirilib
NUHÇIXAN xəbər verir ki, Şahtaxtı kəndindəki Şahtaxtinskilər Muzeyində görkəmli maarifçi və dilçi Məhəmməd ağa Şahtaxtlının anım günü ilə bağlı tədbir keçirilib.
Tədbiri giriş sözü ilə Naxçıvan Muxtar Respublikası Mədəniyyət Nazirliyinin mədəni irs və muzey işi üzrə baş məsləhətçisi Qumral Əsədova açaraq görkəmli maarifçi və dilçi Məhəmməd ağa Şahtaxtlının Azərbaycanda maarifçiliyin inkişafında xüsusi xidmətlərindən, XX əsrin ilk Azərbaycan qezeti – “Şərqi-Rus”un yaradıcısı olmasından danışıb.
Sonra Məhəmməd ağa Şahtaxtlının həyat və fəaliyyəti ilə bağlı çıxışlar dinlənilib.
Tədbirin sonunda muzeyin ekspozisiyasına baxış olub.