Sədərəkdə şeir müsabiqəsi keçirilib
NUHÇIXAN xəbər verir ki, Sədərək rayon Qaraağac kənd tam orta məktəbində ümummilli lider Heydər Əliyevin anım günü ilə əlaqədar VII-XI sinif şagirdləri arasında şeir müsabiqəsi keçirilib.
Tədbirdə şagirdlər ümummilli lider Heydər Əliyevə həsr edilən şeirləri səsləndiriblər. Münsiflər heyətinin qərarı ilə VII sinif şagirdi İsmayıl Qasımlı I yerə, IX sinif şagirdi Seymur Ələsgərov II yerə, IX sinif şagirdi Tərlan İbrahimli III yerə, fərqləndirici yerə isə X sinif şagirdi İsmayıl Əliyev layiq görülüblər.
Sonda müsabiqədə yer tutan şagirdlərə məktəb rəhbərliyi tərəfindən diplomlar verilib.