Naxçıvan Muxtar Respublikasının Fövqəladə Hallar Nazirliyinin Xüsusi Riskli Xilasetmə Xidməti taktiki-xüsusi təlim keçirib - FOTOLAR

NUHÇIXAN xəbər verir ki, “Fövqəladə hadisələrin nəticələrinin aradan qaldırılması zamanı xilasedicilərin fəaliyyəti, axtarış və qəza-xilasetmə əməliyyatlarının aparılması zamanı idarəetmənin təşkili” mövzusunda keçirilən təlimin əsas məqsədi xilasedicilərin peşəkarlığının artırılması, axtarış-xilasetmə qayda və üsullarını məşq etdirməkdən ibarət olub.

Təlimin planına uyğun olaraq ilk öncə idarəetmə təşkil olunub. Sonra xilasedicilər şərti “uçqun” altında qalan insanların axtarışını həyata keçirib, yaralılara ilkin tibbi yardım göstərib və səhiyyə müəssisələrinə təxliyə ediblər.

Növbəti təlim yerində hündür mərtəbəli binada “köməksiz” vəziyyətdə qalan insanlar xilas edilib. Həmçinin avtomobil qəzasında sıxılmış vəziyyətdə qalan zərərçəkmişlərə də köməklik göstərilib.

Keçirilən təlimdə verilən tapşırıqlar müvəffəqiyyətlə icra olunub, uğurla başa çatdırılıb.