Naxçıvanda Ümummilli Liderin 100 illiyi ilə bağlı seminar təşkil ediləcək
Ulu Öndər Heydər Əliyevin anadan olmasının 100-cü ildönümü ilə əlaqədar noyabrın 29-30-da Bakı Beynəlxalq Multikulturalizm Mərkəzi tərəfindən Naxçıvan Muxtar Respublikasında seminar keçiriləcək.
Milli Məclisin Mətbuat və ictimaiyyətlə əlaqələr şöbəsindən NUHÇIXAN-a bildirilib ki, deputat Ceyhun Məmmədovun da iştirak edəcəyi “Heydər Əliyev Azərbaycan multikulturalizminin siyasi banisi - 100” adlı seminarda Ümummilli Liderin rəhbərliyi ilə ölkəmizdə multikulturalizmin inkişafı sahəsində həyata keçirilmiş işlər barədə fikir mübadiləsi aparılacaq.