Naxçıvanın Maliyyə Nazirliyinin əsasnaməsi və strukturu yenidən təsdiq edilib
Naxçıvan Muxtar Respublikası Ali Məclisi Sədrinin müavini Anar İbrahimov noyabrın 29-da Naxçıvan Muxtar Respublikasının Maliyyə Nazirliyi haqqında Əsasnamənin və nazirliyin strukturunun təsdiq edilməsi haqqında fərman imzalayıb.
NUHÇIXAN-ın məlumatına görə, fərmanda deyilir:
"Naxçıvan Muxtar Respublikası Konstitusiyasının 30-cu maddəsini və 5-ci maddəsinin II hissəsinin 22-ci bəndini rəhbər tutaraq qərara alıram:
1. “Naxçıvan Muxtar Respublikasının Maliyyə Nazirliyi haqqında Əsasnamə” təsdiq edilsin.
2. “Naxçıvan Muxtar Respublikasının Maliyyə Nazirliyinin strukturu” təsdiq edilsin .
3. “Naxçıvan Muxtar Respublikasının Maliyyə Nazirliyi haqqında Əsasnamə”nin və nazirliyin strukturunun təsdiq edilməsi barədə” Naxçıvan Muxtar Respublikası Ali Məclisi sədrinin 2009-cu il 20 fevral tarixli 155-III FR nömrəli Fərmanı ləğv edilsin.
4. Naxçıvan Muxtar Respublikasının Nazirlər Kabineti bu Fərmandan irəli gələn məsələləri həll etsin".