“Heydər Əliyev müasir dünya tarixində silinməz iz qoymuş böyük şəxsiyyətdir” adlı tədbir keçirilib - FOTOLAR

NUHÇIXAN xəbər verir ki, Naxçıvan Muxtar Respublikasının Daxili İşlər Nazirliyinin Orta İxtisas Polis Məktəbində Ümummilli Lider Heydər Əliyevin anım günü ilə bağlı “Heydər Əliyev müasir dünya tarixində silinməz iz qoymuş böyük şəxsiyyətdir” adlı tədbir keçirilib.

Əvvəlcə Ümummilli Liderin əziz xatirəsi bir dəqiqəlik sükutla yad edilib.

Tədbirdə Daxili İşlər Nazirliyinin Orta İxtisas Polis Məktəbinin rəisi, polis polkovniki Kamil Məmmədəliyev qeyd edib ki, ölkəmizdə daxili işlər orqanlarının inkişafı ulu öndər Heydər Əliyevin xidmətləri nəticəsində mümkün olub. Ümummilli liderimiz 1969-cu ildə Azərbaycana rəhbər seçiləndən sonra daxili işlər orqanlarına da dövlət qayğısı güclənib. Vətəninə və xalqına sədaqətli kadrların irəli çəkilməsinə, əməkdaşların vətənpərvərlik, milli dəyərlər əsasında təlim-tərbiyəsinə, peşəkarlığının yüksəldilməsinə xüsusi diqqət yetirilib.

Tədbirdə digər çıxış edənlər ulu öndərin xalqımız üçün gördüyü misilsiz xidmətlərdən danışıblar.

Sonra Ümummilli Lider Heydər Əliyevin siyasi fəaliyyətinə həsr edilmiş “Əbədiyyətin ilk əsri” adlı filmə və sərgiyə baxış olub.