Naxçıvanda yollar qardan təmizlənir - VİDEO

Ötən gündən etibarən Naxçıvan Muxtar Respublikasının dağlıq və dağətəyi ərazilərinə, o cümlədən Naxçıvan şəhərinə ilk qar yağıb.

NUHÇIXAN xəbər verir ki, Naxçıvan Avtomobil Yolları Dövlət Agentliyinin xüsusi texnikaları vasitəsilə axşam saatlarından etibarən yollarda fasiləsiz olaraq qardan təmizləmə işləri aparılır. Görülən işlər nəticəsində dağlıq və dağətəyi bölgələrdəki yaşayış məntəqələrinə gediş-gəlişdə heç bir fasilə yaranmayıb və hərəkət təmin edilib.

Hazırda qardan təmizlənməsi zəruri olan yollarda texnikalar işi davam etdirirlər.

Həmçinin gecə saatlarından etibarən Naxçıvan Şəhər İcra Hakimiyyətinin kommunal strukturları və aidiyyəti qurumlarda xüsusi, gücləndirilmiş iş rejimində çalışıblar.

Səhərə kimi və gün ərzində xidmətlər yağan qarın küçə, prospekt və piyada səkilərindən, avtobus dayanacaqlarından təmizlənməsini aparıblar. Hazırda işlər davam etdirilir.