Naxçıvanda "MEDİA könüllüləri"nin yaradılmasına start verilir
"Naxçıvan Muxtar Respublikası Televiziya və Radio Verilişləri" QSC, “Şərq qapısı” qəzetinin və NUHÇIXAN İnformasiya Agentliyinin birgə tərəfdaşlığı ilə yaradılan "MEDİA könüllüləri" layihəsində məqsəd muxtar respublikada medianın inkişafında gənclərin aktiv iştirakını təmin etmək, informasiya cəmiyyətinə keçidi sürətləndirmək və mediada innovasiyaların tətbiqini stimullaşdırmaq və gənc media həvəskarları arasında yaradıcı təşəbbüskarlığı artırmaqdır.
“Media könüllüləri” proqramı çərçivəsində iştirak edən könüllülər üçün bir sıra peşəkar və şəxsi inkişaf təlimləri təşkil ediləcək. Eyni zamanda könüllülər tərəfdaş media subyektlərində təcrübə keçmək imkanı qazanacaqlar. "MEDİA könüllüləri" qrupuna arzu edən gənclərimiz qoşula bilər. Qeyd edək ki, qrupun yaradılması Naxçıvan Muxtar Respublikasının 100 illik yubileyi ilə bağlı sözügedən media subyektlərinin yubileylə bağlı tədbirlər planı çərçivəsində reallaşdırılır.
"MEDİA könüllüləri" qrupuna qoşulmaq istəyən gənclərimiz 060-505-44-44 mobil nömrəsi ilə əlaqə saxlaya bilərlər.