Kabilin cənubunda əfqan müqavimətinin üzvləri Talibana hücum edib
Əfqanıstanın Milli Müqavimət Cəbhəsi üsyançı təşkilatının üzvləri paytaxt Kabilin cənubunda Taliban hərəkatının iki nümayəndəsini öldürüblər.
NUHÇIXAN xəbər verir ki, bu barədə cəbhənin feysbuk səhifəsində dərc olunmuş bəyanatında deyilib.
“Fevralın 3-də saat 10:15-də Milli Müqavimət Cəbhəsinin qüvvələri düşmən düşərgəsinə hücum edib <...> nəticədə iki taliban üzvü öldürülüb, daha ikisi yaralanıb”, - paylaşımda qeyd olunub.
Taliban nümayəndələri hələlik insidentlə bağlı şərh verməyiblər.