İrəvanda konserv zavodunda güclü yanğın baş verib
İrəvanda konserv zavodunun anbarında güclü yanğın olub. Alov hazırda təxminən 6 min kvadratmetr sahəni əhatə edir.
NUHÇIXAN xəbər verir ki, bu barədə Ermənistan Daxili İşlər Nazirliyinin mətbuat xidməti məlumat yayıb.
“Konserv zavodunun anbarında 6 min kvadratmetr sahədə yanğın baş verib. Tbilisi şosesində yerləşən anbarın ümumi sahəsi 25 min kvadratmetrdir. Hazırda yanğının söndürülməsi üzrə işlər davam edir”, - deyə məlumatda bildirilir.
Ölən və yaralananlar barədə hələlik məlumat verilmir.