Peskov: Navalnının ölüm şəraiti ilə bağlı araşdırma aparılır
Aleksey Navalnının ölüm şəraiti ilə bağlı araşdırma aparılır, qanunda nəzərdə tutulmuş bütün zəruri tədbirlər görülür.
NUHÇIXAN xəbər verir ki, bunu Kremlin sözçüsü Dmitri Peskov bildirib.
Onun sözlərinə görə, meyitin Navalnının qohumlarına təhvil verilməsi məsələsinin Kremlə aidiyyatı yoxdur. “Biz bu işə qarışmırıq”, deyə prezidentin mətbuat katibi vurğulayıb.
Kremlin sözçüsü onu da əlavə edib ki, Moskva Navalnının ölümü ilə bağlı aparılan istintaqın nəticələri açıqlanana qədər açıq-aşkar təhqiramiz bəyanatların verilməsini yolverilməz hesab edir.
Onun fikrincə, baş verənlərlə bağlı Qərb siyasətçilərinin açıqlamaları Putinə zərər verə bilməz.