Türkiyənin milli hərbi təyyarəsi KAAN ilk uçuşunu uğurla həyata keçirib - VİDEO
Türkiyənin milli hərbi təyyarəsi “KAAN” bu gün ilk uçuşunu uğurla həyata keçirib.
KAAN səhər saatlarında Mürted Hava Limanında yenidən uçuş zolağına çıxarılıb, mühərriki işə salınıb və ilk dəfə havaya qalxıb.
KAAN-ın ilk uçuşunda pilot kreslosunda Barbaros Demirbaş əyləşib.
KAAN ilə Türkiyə bu səviyyədə (5-ci Nəsil) təyyarə istehsal edə bilən 5 ölkədən biri olacaq.
KAAN, pilotsuz uçuş aparatları, havadan bildiriş və nəzarət kimi platformalar və alınması planlaşdırılan digər elementlərlə birgə işləyə biləcək.