MKİ-nin direktoru HƏMAS ilə girovlarla bağlı danışıqlarda iştirak etmək üçün Parisə gedəcək

ABŞ Mərkəzi Kəşfiyyat İdarəsinin direktoru Uilyam Börns Fələstinin HƏMAS hərəkatı tərəfindən saxlanılan girovların azad edilməsi ilə bağlı Qətər, Misir və İsrail nümayəndələri ilə danışıqlarda iştirak etmək üçün fevralın 23-də Parisə gedəcək.

NUHÇIXAN-ın xəbərinə görə, bu barədə Axios portalı mənbələrə istinadən məlumat yayıb.

Portalın məlumatına görə, Bayden administrasiyası bu il martın 11-də başlayacaq Ramazan ayına qədər Həmas girovlarının azad edilməsi ilə bağlı razılıq əldə etməyi gözləyir. ABŞ Ramazan ayında Qəzza zolağında döyüşlərdə fasilə əldə etməyə ümid edir.