Çində 5,3 maqnitudalı zəlzələ olub
Çinin Çinxay əyalətinin Yyuşu-Tibet muxtar dairəsinin Dzade qəsəbəsində 5,3 maqnitudalı zəlzələ olub.
NUHÇIXAN TASS-a istinadən xəbər verir ki, bu barədə Çinin Seysmik Şəbəkə Mərkəzi məlumat yayıb.
Məlumata görə, yeraltı təkanlar martın 5-də səhər saatlarında baş verib. Zəlzələnin ocağı 10 km dərinlikdə yerləşib. Dağıntı və itkilər barədə məlumat yoxdur.
Bildirilib ki, 2010-cu ilin aprelində bu qəsəbədə 7,1 maqnitudalı zəlzələ baş vermişdi.