ABŞ institutu: Kreml Ermənistana qarşı sərt cavablar hazırlayır

Kreml Ermənistana qarşı sərt cavablar hazırlayır.

NUHÇIXAN xəbər verir ki, bu barədə ABŞ-nin Müharibə Araşdırmaları İnstitutunun hesabatında yazılıb.

Qeyd olunub ki, Ermənistan Rusiyadan uzaqlaşmağa davam edir: “Kremlə bağlı ekspertlərin fikrincə, Qərb Moskvadan uzaqlaşması üçün İrəvanı şantaj edir”.

Xatırladaq ki, Ermənistan Təhlükəsizlik Şurasının katibi Armen Qriqoryan martın 6-da jurnalistlərə açıqlamasında bildirib ki, ölkəsi "Zvartnots” hava limanından Rusiya hərbçilərinin çıxarılması ilə bağlı Moskvaya rəsmi müraciət ünvanlayıb. O, həmçinin KTMT-ni Ermənistanın sərhədlərini tanımamaqda qınayıb.

Qeyd edək ki, ABŞ institutu daha əvvəl yazmışdı ki, Rusiyadan uzaqlaşmaq N.Paşinyana baha başa gələ bilər. Amerikalı analitiklərin fikrincə, Ermənistan Rusiya ilə ikitərəfli əməkdaşlığı azaltmağa çalışır.