Rusiyada helikopterin qəzaya uğraması nəticəsində iki nəfər ölüb
Rusiyada Mi-8 helikopterinin sərt eniş etməsi nəticəsində iki nəfər ölüb, daha iki nəfər yaralanıb.
NUHÇIXAN xəbər verir ki, qəza Rusiyanın Uzaq Şərq regionunda, Maqadan vilayətinin Evensk şəhərindən 75 kilometr məsafədə baş verib. Rusiya Fövqəladə Hallar Nazirliyinin məlumatına görə, qəzanın baş verdiyi əraziyə iki xilasedici helikopter göndərilib.
Hadisə zamanı helikopterdə 20 nəfərin olduğu bildirilir. İlkin araşdırmalara görə, qəzaya mühərrikdə yaranan nasazlıq səbəb olub.