Paşinyan Almaniya kansleri ilə Azərbaycanla sülh prosesini müzakirə edib
Ermənistanın baş naziri Nikol Paşinyanla Almaniya kansleri Olaf Şolts arasında telefon danışığı olub.
NUHÇIXAN Ermənistan KİV-ə istinadən xəbər verir ki, tərəflər Ermənistanla Azərbaycan arasında sülh prosesi barədə danışıblar.
Onlar, həmçinin İrəvanın Berlin və Avropa İttifaqı ilə əməkdaşlığı barədə fikir mübadiləsi aparıblar.
Baş nazir qeyd edib ki, Ermənistan 2022-ci il oktyabrın 6-da Praqada, 2023-cü ilin 14 may və 15 iyulunda Brüsseldə, 5 oktyabr 2023-cü ildə Qranadada razılaşdırılmış prinsiplər əsasında qərarların qəbuluna başlamağa hazırdır.