İsrail hərbi kəşfiyyatının rəhbəri istefa verib

İsrailin hərbi kəşfiyyat idarəsinin rəhbəri Aharon Haliva istefa verib.

NUHÇIXAN  TASS-a istinadən xəbər verir ki, bu barədə ordunun mətbuat xidməti məlumat yayıb.

“Hərbi kəşfiyyat idarəsinin rəisi general-mayor Aharon Haliva Baş qərargah rəisi ilə razılaşaraq, 2023-cü ilin 7 oktyabr hadisələrinə görə məsuliyyət daşıdığı üçün istefa verib”, - məlumatda qeyd edilib.

Bildirilib ki, İsrailin müdafiə naziri Yoav Qalant onun istefasını qəbul edib. A.Haliva onu əvəzləyəcək şəxs təyin edildikdən sonra fəaliyyətini dayandıracaq.