Belarus Ermənistandakı səfirini geri çağırır
Belarus Ermənistandakı səfirini məsləhətləşmələr üçün geri çağırır.
NUHÇIXAN BELTA-ya istinadən xəbər verir ki, bu barədə jurnalistlərə açıqlamasında Belarus Xarici İşlər Nazirliyinin (XİN) mətbuat katibi Anatoli Qlaz bildirib.
Onun sözlərinə görə, bu məsələyə aydınlıq gətirmək üçün Ermənistan səfirliyinin nümayəndəsi XİN-ə çağırılıb:
“Vəziyyətin inkişafını nəzərə alaraq, yaxın vaxtlarda İrəvandan olan səfirimiz də Minskə gələcək”.
O vurğulayıb ki, əgər Ermənistanda kimsə xarici düşmən obrazı yaratmaqla diqqəti daxili problemlərdən yayındırmaq qərarına gəlibsə, bu, uzaqgörən mövqe deyil.