Misirdə altı fironun qəbri aşkar olunub - FOTOLAR

Misirin Asuan şəhərində 4,5 min il bundan əvvəl hökmranlıq etmiş altı fironun qəbri aşkar edilib.

NUHÇIXAN Misirin Qədim Abidələr üzrə Nazirliyinə istinadla xəbər verir ki, bu qəbirlər Böyük Britaniyanın Birmingem universitetinin arxeoloji missiyasının mütəxəssisləri tərəfindən tapılıb.

Qədim Abidələr üzrə Misir Ali Şurasının baş katibi Mustafa Vəziri bildirib ki, bir qəbrin giriş qapısı toxunulmamış qalsa da, ora min illər əvvəl qarət olunub. Onun sözlərinə görə, aşkar olunmuş altı qəbir müxtəlif ölçüdədir.