İsveç hökuməti yeni büdcə təklifləri ilə çıxış edib

İsveç hökuməti bu ölkənin demokratları ilə birgə keçirdiyi mətbuat konfransında gələcək illərin dövlət büdcəsinə dair bir sıra təklifləri təqdim edib.

NUHÇIXAN xəbər verir ki, büdcə layihəsi ayrılacaq qrantların məbləğinin 2028-ci ilədək 6,5 milyon dollara qədər artırılacağı tədqiqat və innovasiyaların maliyyələşdirilməsini ehtiva edir. Bu, göstərilən sahədə indiyədək olan ən böyük investisiya olacaqdır. Eyni zamanda, 2037-ci ilədək 20 milyard dollar həcmində artırılması da nəzərdə tutulan infrastrukturun maliyyələşdirilməsi planı müzakirə edilib.

Hökumət avtomobil və dəmir yollarının modernləşdirilməsi üçün 2025-ci ildə təxminən 1,5 milyon dollar əlavə vəsait ayırmağa çalışır.

Baş nazir Ulf Kristersson deyib: “Biz İsveç iqtisadiyyatının inkişafı üçün vacib olan yeni böyük investisiyalar mərhələsinə qədəm qoyuruq”.

Hökumət, həmçinin şirkətlərə beynəlxalq səriştəli mütəxəssisləri cəlb etmək və saxlamaq, habelə İsveçin rəqabət qabiliyyətinə töhfə vermək üçün daha yaxşı şərait yaratmaq məqsədi ilə xarici vətəndaşlara ekspert vergisini və kiçik biznesdən işəgötürənin töhfəsini azaltmaq niyyətindədir.

Bundan əlavə, hökumət bütün ölkə üzrə hava nəqliyyatını stimullaşdırmaq məqsədi ilə uçuşlar üzrə vergilərin ləğvini təklif edib ki, bu da sərnişin axınını artıracaq, biletlərin qiymətini aşağı salacaq və istixana qazı emissiyalarına təsir edəcək.

Gələn il uçuş vergisini ləğv etmək üçün dövlətin xərci 87 milyon dollar, sonralar isə 182 milyon dollar olacaq.

Ləğv edilmiş uçuş vergisinin 2025-ci il iyulun 1-dən yenidən qüvvəyə minməsi gözlənilir. İnfrastruktur üzrə qanun layihəsinə və 2024-cü ilin oktyabr ayının əvvəlində Riksdağa təqdim ediləcək milli nəqliyyat infrastrukturu Planına 2026-cı ilin yazından etibarən start veriləcək.