Media: HƏMAS hərəkatı səhra komandirlərinin 30 faizini itirib
2023-cü ilin oktyabrından bəri İsrailin hərbi əməliyyatları nəticəsində HƏMAS hərəkatının hərbi qanadı səhra komandirlərinin azı 30 faizini, həmçinin Qəzza zolağında yeraltı tunellərin 40 faizə qədərini itirib.
NUHÇIXAN xəbər verir ki, bu barədə Birləşmiş Ərəb Əmirliklərinin “The National” qəzeti öz mənbələrinə istinadla məlumat yayıb.
Qəzetin həmsöhbətlərinin fikrincə, HƏMAS döyüşçüləri arasında da itkilər çoxdur. Hərəkat bir müddətdir ki, “silah və sursat ehtiyatlarını əhəmiyyətli dərəcədə artıra” bilməyib.
Qeyd olunur ki, yaranmış vəziyyət HƏMAS-ı yaxın gələcəkdə diqqəti İordan çayının qərb sahilində İsrail hərbçilərinə qarşı kamikadze hücumlarının sayının artırılması üzərində cəmləməyə məcbur edə bilər.