“Politico”: Yens Stoltenberq Donald Trampı NATO-nun ABŞ üçün faydalı olduğuna inandıra bilər
NATO-nun sabiq baş katibi Yens Stoltenberq ABŞ-ın yeni seçilən prezidenti Donald Trampı Şimali Atlantika Alyansının Vaşinqton üçün faydalı olduğuna inandıra bilər.
NUHÇIXAN xəbər verir ki, “Politico” qəzeti bu barədə NATO-dakı yüksəkrütbəli mənbəyə istinadla məlumat yayıb.
Bu səbəbdən ABŞ-ın gələcək liderinin mümkün hərəkətləri ilə bağlı NATO-nun narahatlığı bir qədər azalıb.
Qeyd edək ki, Donald Tramp əvvəlki prezidentlik dövründə NATO müttəfiqlərini ABŞ-ın alyansdan çıxa və üzv ölkələrə hücum zamanı qarşılıqlı yardımı nəzərdə tutan 5-ci maddə üzrə öhdəliklərindən imtina edə biləcəyi ilə hədələyirdi. İndi isə o, Senatın təsdiqi olmadan Birləşmiş Ştatların NATO-dan çıxmasını qadağan edən qanun layihəsinin təşəbbüskarı - senator Mark Rubionun dövlət katibi vəzifəsinə namizədliyini irəli sürüb.