Qazaxıstan Nəqliyyat Nazirliyi: Mütəxəssislər AZAL-ın təyyarə qəzası ilə bağlı oxunmuş məlumatlarla yaxın günlərdə Astanaya gələcək
AZAL-ın Aktau yaxınlığında qəzaya uğrayan təyyarəsinin “qara qutularının” dekodlaşması ilə məşğul olan komissiyanın üzvləri oxunmuş məlumatlarla yaxın günlərdə Astanaya gələcək.
NUHÇIXAN-ın məlumatına görə, bu barədə jurnalistlərə Qazaxıstanın Nəqliyyat Nazirliyindən bildirilib.
Ekspertlər dərhal “qara qutunun” məlumatlarının öyrənilməsinə başlayacaq.
Qeyd edək ki, dekabrın 25-də Azərbaycan Hava Yollarına məxsus Bakı-Qroznı reysini həyata keçirən Embraer sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Təyyarədə 5 ekipaj üzvü olmaqla 67 nəfər olub. Qəza nəticəsində Azərbaycan, Rusiya və Qazaxıstan vətəndaşları daxil olmaqla 38 nəfər həyatını itirib.