Los-Ancelesdə yanğın nəticəsində dəyən ziyan 50 milyard dolları keçə bilər
ABŞ-nin Kaliforniya ştatının Los-Anceles dairəsində baş verən yanğınların zərəri 50 milyard dolları keçə bilər.
NUHÇIXAN xəbər verir ki, bu barədə “Associated Press” məlumat yayıb.
Mütəxəssislərin fikrincə, yanğından ilkin zərər və iqtisadi itkilər 52-57 milyard dollar arasında olacaq.
“AccuWeather” şirkəti hesablamalarında hansı göstəriciləri nəzərə aldığını hələ açıqlamayıb.
Qeyd edək ki, yanğınların ümumi sahəsi 10 min hektarı ötüb və artmaqda davam edir. Alov mindən çox binanı külə döndərib, ən azı 5 nəfərin ölümünə səbəb olub. Əvvəlcə yanğın ocağı kiçik olsa da, güclü külək səbəbindən alov sürətlə yayılmağa başlayıb. Təxminən 1500 yanğınsöndürən alovla mübarizə aparır.