Ötən il Ermənistana gələn turistlərin sayında azalma müşahidə olunub
2024-cü ildə Ermənistana gələn turistlərin sayı 2023-cü illə müqayisədə təxminən 7 % azalıb.
NUHÇIXAN Ermənistan mətbuatına istinadən xəbər verir ki, bunu ölkənin iqtisadiyyat naziri Gevorq Papoyan ötən ilin yekununu şərh edərkən bildirib.
"2024-cü ilin dekabrında Ermənistana 134 min turist gəlib ki, bu da 2023-cü ilin eyni dövrü ilə müqayisədə təxminən 2000-3000 turist azdır. Ümumilikdə, 2024-cü ildə ölkəyə 2 milyon 215 min turist gəlib ki, bu da 2023-cü ilin göstəricilərindən 7 % azdır", - o qeyd edib.
Nazirin sözlərinə görə, turist axınının azalması əsasən Rusiyadan gələn turistlərin sayında qeydə alınan azalma ilə bağlıdır.