Ukrayna 200 PUA və 15 ATACMS raketləri ilə Rusiyanın bir neçə şəhərinə zərbələr endirib
Ukrayna ordusu gecə boyunca Rusiyanın bir neçə regionuna ümumilikdə 200 ədəd PUA (pilotsuz uçuş aparatı) və ABŞ istehsalı olan 15 ədəd “yer-yer” tipli ATACMS raketlərinin köməyilə zərbələr endirib.
NUHÇIXAN “lenta.ru”ya istinadən xəbər verir ki, ölkənin əsasən Tula vilayəti və Kazan şəhəri hücuma məruz qalıb.
Nəticədə Kazanda yerləşən kimyəvi məhsullar istehsal edən zavodda partlayış baş verib. Hadisə zamanı üç ədəd yanacaq çəni alovlanıb.
“Shot” teleqram kanalı isə Rostov, Tambov və Voronej vilayətlərində silsilə partlayışların baş verdiyini xəbər verib.