Tacikistan Prezidenti yeni müdafiə naziri təyin edib
Emomali Sobirzoda Tacikistanın yeni müdafiə naziri təyin edilib.
NUHÇIXAN Tacikistan mətbuatına istinadən xəbər verir ki, müvafiq sərəncamı ölkə Prezidenti Emomali Rəhmon imzalayıb.
Yeni təyinata qədər E.Sobirzoda müdafiə nazirinin birinci müavini olub.
2013-cü ildən Tacikistan Müdafiə Nazirliyinə rəhbərlik edən Şerali Mirzo isə hökumət yanında Dövlət Sirrinin Mühafizəsi İdarəsinin rəhbəri təyin edilib.
Müdafiə nazirinin birinci müavini, Silahlı Qüvvələrin Baş Qərargah rəisi vəzifəsini Bobocon Saidzoda icra edəcək.