Türkiyədə iki mütəşəkkil cinayət dəstəsinə qarşı əməliyyat keçirilib, 64 nəfər şübhəli saxlanılıb
İstanbulda və Manisada iki ayrı mütəşəkkil fırıldaqçı cinayət təşkilatına qarşı keçirilən əməliyyatlarda 64 şübhəli tutulub.
NUHÇIXAN xəbər verir ki, "Hücre-8" əməliyyatları ilə bağlı Türkiyənin daxili işlər naziri Ali Yerlikaya sosial media hesabında məlumat yayıb.
Bildirilib ki, şübhəlilərdən 19-u həbs edilib, 41-i barəsində isə məhkəmə nəzarəti qərarı çıxarılıb.
Qeyd olunub ki, əməliyyat nəticəsində, təxminən, 5 milyard lirə dəyərində torpaq sahəsi, ev, bank hesabı, avtomobil, sənədsiz tapançalar ələ keçirilib.